ببساطه و بصراحه و زى ما انا شايفها الجيش بيعمل الاتى بيهدى الناس و الدنيا تنام واحده واحده على طريقه "كيف تشوى اليربوع حيا " و الفصائل السياسيه المختلفه كل فصيل رماله حته من التورته ما عادا الشباب الى امتنع عن الحديث معاه بعد كشف العذريه الى ما اتحققش فيه و بعد احداث تسعه مارس الى استحلنا فيها و علشان الشباب مش بتوع تروتات ولا صفقات قرر يعزلهم لوحدهم و يستفرد بيهم فى ظل ان القوى الاخرى واخده التورته و الكريمه مدهوله شفايفها و بتلهط و مش فاضيه و اهو محدش هايبكى عليهم و الى مالهوش ظهر يضرب على بطنه عادى و شويه لاقينا المحاكمات العسكريه الى نزلت علينا زى المطر اخرها عمرو غريبه امبارح و محمود النوبى الى اشهد ان محمود النوبى ده و الله من ابطال موقعه الجمل بشهاده عينى الى ياكلها الدود دول و قال ايه عملاء المهم ان الجيش هايخليه على النهج ده و هايشجع القوى التانيه انها تكسب ارض من خلال الاعلام علشان تزيد عزله الشباب الى واجع دماغه و مش راضى يسكت ولا راضى ياكل تورته "علشان الشباب ده هو الوقود الحقيقى للثوره و مش هايسكت عن حد حتى المشير و خايف ل الدائره تدور عليه و اهو ربنا كارم المجلس العسكرى ب الجيش يستخبى وراه على انه جيش و نسى انه هو الى نزل الساححه و قال عايز العب سياسه و قال ايه بيعلمنا الديموقراطيه كان مارسها امتى كاطو ولا الروينى ؟؟؟؟ و سؤال بس ل كل واحد بيصدق المجلس الزفت ده "قولولى تمن الدم كام ؟؟؟؟؟ تمن الروح كام علشان نقبضه من الامريكان و نقولهم عليه اصل احنا مش عارفين تمنا كام قولولنا تمنا كام الله يحرقكم بجهلكم زى ما انتم يا كل من افترى علينا ب الكذب ده احنا كل واحد مننا يدخل الخيمه فى الصينيه بيدفع خمسه جنيه من جيبه علشان الحركه ده احنا ايام ما كنا بنوزع ورق اسكندريه كنا بنلم ب الشلن و العشره صاغ من جيوبنا علشان ممعاناش غيرهم و علشان برضه مصر نفسى بس اعرف تمن التعذيب الى انا اتعذبته شخصيا فى امن الدوله كام علشان اروح احاسبهم تمن الكهربا ال 12 فولت كام ؟ تمن الاهانه كام علشان اعملهم فاتورا و احاسبهم انا كمان حسبى الله و نعم الوكيل فى كل ظالم و جاهل و غبى و تابع مغمض عينه ورا مصالح غيره حسبى الله و نعم الوكيل
